Hierdie is 'n 8+ punt potensiële stoetbul met ongelooflike potensiaal, uit die kombinasie van die AG03-256 én PHR03-036 lyne, met uitstaande breedte op skouers, kapasiteit, breedte, skrotum, stertlengte, goeie balans, skede, naelvel, kop, trap en hiel. Sy produksiepotensiaal word ondersteun deur sy uitstaande EBV Indekse op groei, melk, doeltreffendheid én reproduksie wat deur sy uiters vrugbare moer én beide oumas onderskryf word, terwyl sy versvrugbaarheid én koeivrugbaarheid onderskeidelik 113 en 110 is!! Vergewis uself van sy uitstaande indekse soos per katalogus! Dit is ook nie waar dit eindig nie! Sy potensiaal word verder ondersteun deur sy uitstaande karkas eienskappe met Indekse vir: oogspier oppervlakte = 125, marmering = 148, uitslag% = 122 en vleisopbrengs = 130. As u êrens wil maak om beide vroulike én manlike nageslag te wil produseer om die totale waardeketting te ontplooi, is dit nou die kans!!