Hierdie 7+ goed gepigmenteerde bul is lyn geteel uit PHR03-036, en behoort dus uitstekende erfdwang te openbaar! Hy het uitstaande lengte, skrotum, haarkwaliteit, kop, goeie skede, naelvel, skof, breedte, kapasiteit, balans en oogbanke. Sy uitstaande moer spog met uitstaande fisiese reproduksie syfers van: OEK = 25mde, TKP = 363dae, 4 kalwers oor 5.1jr, en les bes is haar RI = 120!! Te same hiermee, ondersteun sterk goed gebalanseerde EBV's, sy aanwending om uitstaande vervangingsverse uit M raam tipe koeie te teel, waar groei en doeltreffendheid hoog op die prioriteitslys is. Met sy uitstaande karkas eienskappe met Indekse van: oogspier oppervlakte = 109, marmering = 124, uitslag% = 110 en vleisopbrengs = 124, is hierdie 'n tipiese geleentheid om die waardeketting buite die plaashek met u eie kalwers te benut! Wat hom uitsonderlik maak, is die feit dat sy uitstaande reproduksie eienskappe vir versvrugbaarheid (121) en koeivrugbaarheid (113), beslis die boeke herskryf!!