Hierdie dik, mediumraam Indicus (Sanga) tipe bul met sy sterk oogbanke, volheid tussen die oë, keelvel, skof en blink gladde vel dui op uitstekende aanpassingsvermoeë. Hy is verder normaal t.o.v. Myostatin en het uitstekende goed gebalanseerde seleksiewaardes, wat álmal bo 100 (gemiddeld) is, en dus ʼn absolute rariteit is. Sien ook sy gebalanseerde drie karkaswaarde boustene! Hy is dus uiters geskik om vervangingsverse uit mediumraam koeie mee te teel.