Hierdie top kwaliteit bul bring groei, kapasiteit en kwaliteit vleiseienskappe na enige kudde. Hy vertoon ‘n pragtige mooi rooi diepdonker vel en haar en is geteel om op die veld te presteer en kalwers te lewer wat dieselfde doen. Op genetiese vlak behoort hy dogters met goeie koeiwaardes te teel wat vrugbaar is, maklik kalf, en sterk speenkalwers lewer. Wat groei betref, behoort sy nageslag uitstekende veld- asook voerkraalprestasie voor- en na-speense groei te handhaaf.

Sy goeie bespiering en vol agterkwart voeg waarde by tot os-produksie, wat hom ideaal maak vir beide die kommersiële en kruisteling-boer. Hierdie bul is aanpasbaar, gehard, maklik om te bestuur, met baie goeie lengte en kapasiteit. Hy is die ideale keuse vir boere wat op soek is na winsgewende produksie met lae insetkoste en hoë opbrengs.