Lot 20, RPE21-181 is ’n bul wat van 'n jong ouderdom uitgestaan het met sy sterk kop en uitstekende bouvorm. Hy is besonders lank met 'n L:H verhouding van 1.29 : 1 aan die einde van sy fase D. 'n Bul met ’n sterk rug, breed oor die skouers, sterk rug, met prominente oogspier, sterk oor die lende en vol binne en buite dye. Hy is uit een van ons staatmaker ouer koeie, RPE12- 37, 'n LAR05-350 dogter met 'n TKP van 393 dae oor 11 kalwers. RPE21-181 is een van die jonkste bulle op die veiling met BAIE potensiaal.