Poena. Hou 3 semen aandele uit | JHL 20 069 is ‘n Poena bul wat groot impak kan maak. Hy beindruk met die eerste oog opslag! Lot 8 het ‘n baie mooi manlike poena kop, met ‘n goed ontwikkelde skof en sterk nek, mooi aangeheg na die voorlyf. Die bul vertoon uitstekende verdonkering op ‘n donker vel. JHL 20 069 is breed in die bors, met goeie sprong van rib. Hy het uitstekende rumen kapasiteit, dra baie vleis en is goed gevul in die lende. Die bul is goed aangepas met ‘n blink gladde vel. JHL 20 069 het goeie diepte regdeur, uitstekende lengte en korrekte bouvorm. ‘n Korrekte kruis met mooi stertaanhegting, goeie loopvermoë en normale gang. Sy hakke is baie goed gevorm. Sy skrotum hang netjies en testis is goed ontwikkel met ‘n skoon onderlyn, kort naelvel en skede. JHL 20 069 is ‘n toonbeeld van funksionele doeltreffendheid en weerspieel baie sterk reproduksie eienskappe. Met besonderse genetiese saamgestelde waardes vir speenkalfproduksie, groei- en karkaswaarde. Sy sterkpunt is sy korrektheid. JHL 20 069 word aanbeveel vir meerdoelige aanwending. Sy waarde vir kalwingsgemak dui aan dat hy aangewend kan word vir die oopmaak van goed uitgegroeide verse. Verder word hy aanbeveel vir die gebruik van speenkalfproduksie en teel van vervangingsverse. Jy kan nie verkeerd gaan met die bul nie ! ‘n Top Poena bul met stoetpotensiaal.