Lot 6 is ‘n Tipe 3.5 - 4 medium- tot grootraam bul, hy het’n sterk manlike kop en nek met mooi skofontwikkeling en verdonkering. JHL 20 032 het goeie breedte, netjiese stertaanhegting en by uitstek mooi bespiering. Sy testis is goed ontwikkel en perfek aangeheg met mooi skede en netjiese skoon onderlyn. Die bul het ‘n goeie houding, met besonderse lengte van lyf en mooi balans. Hy het besonderse saamgestelde waardes vir koei-, groei- en speenkalfwaarde. Sy karkaseienskappe is baie mooi versprei OSO, Vet en Marmering. Lot 6 word aanbeveel vir die gebruik op koeie vir die teel van speenkalwers en vervangingsverse.